Туды қайда ілуге болады?: Жарлыққа қол қойылды
Премьер-министр мемлекеттік туға қатысты жарлыққа қол қойды.
Үкімет мемлекеттік рәміздерді пайдалану ережелерін жаңартты, деп хабарлайды KYN.KZ ақпарат агенттігі.
Құжатта енді жеке және заңды тұлғалар туды тұрғын үй, ғимараттарда, соның ішінде балкондарда ілуге болады деп көрсетілген.
- жеке тұрғын үйлерде оны кемінде үш метр биіктікте ілуге болады;
- ту жерге, еденге, суға немесе басқа беттерге тиіп кетпеуі керек;
- егер тігінен ілінсе, ұлттық ою-өрнек үстінде болуы керек;
- ту бүтін, таза, өңі кетпеген және зақымдалмаған болуы керек;
Заңды талаптарға сәйкес, туды көлік құралдарының ішінде ілуге болады.
Сонымен қатар мемлекеттік туды мәдени, спорттық, әлеуметтік немесе басқа да іс-шаралар кезінде коммерциялық мақсатта пайдалануға болмайтыны нақты көрсетілген. Бірақ мемлекеттік тудың бейнесін спорттық киімдер мен жабдықтарда пайдалануға ресми түрде рұқсат етілген.
Туды киім, төсек-орын, перде, дастархан, кілем және басқа да жабын ретінде пайдалануға тыйым салу да күшінде қалады. Қасақана зақымдауға, өртеуге, жыртуға, жерге лақтыруға немесе ұлттық рәміздің қадір-қасиетін түсіретін кез келген басқа әрекеттерге тыйым салынады.
Премьер-министр қол қойған жарлық 13 шілдеде күшіне енеді.