+41 градусқа дейін қатты ыстық: алдағы үш күнге арналған ауа райы болжамы
"Қазгидромет" синоптиктері 8, 9 және 10 тамызға арналған ауа райы болжамын ұсынды, деп хабарлайды KYN.KZ ақпарат агенттігі.
8-10 тамыз аралығында елдің басым бөлігінде ыстық әрі құрғақ ауа райы орнайды, алайда кейбір аймақтарда найзағайлы жаңбыр жауады.
Елдің солтүстігі мен шығысында ауа температурасы +35...+39 градусқа дейін ысиды.
Оңтүстікте +35...+41 градусқа дейін қатты ыстық күтіледі.
Батыс және орталық өңірлерде температура +36...+41 градусқа дейін көтеріледі. Мұнда кей жерлерде өте қатты ыстық болады деп болжанады.
Ауа райының негізінен құрғақ болуына қарамастан, кейбір аймақтарда жауын-шашын болады. Кейбір аудандарда бұршақ жаууы мүмкін.
Республиканың шығысында кезеңнің басында найзағайлы жаңбыр күтіледі.
Сонымен қатар оңтүстік пен оңтүстік-шығыстың таулы аймақтарында үш күн бойы найзағайлы жаңбыр жауады деп болжанып отыр.