Бұл туралы блогер әлеуметтік желідегі парақшасында жазған.

“Талғат екеуміз ажырастық. Біздің жақсы сәттеріміз де көп болды, отбасымыз болды. Ең бастысы – бізді өмір бойы байланыстыратын қызымыз бар”, – деп жазды ол.

Актриса некені ары қарай жалғастыруға мүмкін емес екенін айтты. Ол ең бастысы бұрынғы жұбайымен арадағы сыйластықты сақтап қалғысы келетінін атап өтті.

“Қызымыз әке-шешесінің екеуінің де махаббатын сезініп өссе деймін. Біздің ересектер ретінде қабылдаған шешіміміздің салдарын бала көтермеуі керек”, – деген актриса.

Сондай-ақ ол оқырмандарынан бұл жағдайдан сенсация іздемеуді, түрлі болжам жасамауды және тараптардың ешқайсысына тіл тигізбеуді сұрады.