Қазақстанда жаздың соңғы күндері кейбір өңірлерде жаңбыр, найзағай және бұршақ жауады. Ал таулы аймақтарда түнде қар аралас жаңбыр жаууы мүмкін, деп хабарлайды KYN.KZ ақпарат агенттігі.
Қазгидромет болжамына сәйкес, 25-27 тамыз аралығында елдің солтүстігі мен шығысында ауа райы бұзылады. Бұл өңірлерде найзағай ойнап, жаңбыр жауады, кей жерлерде жауын-шашын қатты болуы мүмкін. Бұршақ жауып, дауылды жел соғуы ықтимал.
Еліміздің шығысы мен оңтүстік-шығысындағы таулы аймақтарда 26 және 27 тамызға қараған түнде жауын-шашын қар аралас жаңбырға ұласуы мүмкін.
Дегенмен тамыздың соңғы күндері негізінен жылы болады.
Солтүстікте күндіз ауа температурасы +25...+32 градусқа дейін көтеріледі. Орталық және оңтүстік өңірлерде ауа +25...+35 градусқа дейін жылынады.
Шығыста бастапқыда күн салқындау болып, температура +16...+24 градус шамасында болады. Кейін ауа температурасы +20...+31 градусқа дейін көтеріледі.
Елдің батысы мен оңтүстігінде алдағы күндері жауын-шашынсыз ауа райы сақталады.
Ұқсас жаңалықтар
