Астанада фельдшер Ұлдана Мырзуанның қазасына қатысты сот процесі жалғасып жатыр. Ұлдана Мырзуанның бұрынғы күйеуі Әділет Зейнел оның өліміне қатысты қылмыстық іс бойынша жәбірленуші мәртебесінде қалатынын мәлімдеді, деп хабарлайды KYN.KZ ақпарат агенттігі.
Отырыс барысында судья Меруерт Абаева процесс басында Ұлдана Мырзуанның күйеуі Әділет Зейнел өзін жәбірленушілер қатарынан алып тастау туралы өтініш бергенін еске салды. Ол кезде сот өтінішті қанағаттандырудан бас тартып, жауап алынғаннан кейін Зейнел мұндай өтінішпен қайта жүгіне алатынын түсіндірген болатын.
Бүгін судья марқұмның күйеуінен бұрынғы өтінішін қолдайтынын немесе қолдамайтынын сұрады.
"Осы қылмыстық іс бойынша жәбірленуші мәртебесінде қаласыз ба, бұрынғы өтінішіңізден бас тартасыз ба?" - деп нақтылады судья.
Әділет Зейнел бұрынғы өтінішінен бас тартатынын және қылмыстық іс бойынша жәбірленуші мәртебесінде қалуға ниетті екенін растады.
Келесі мақала
Жақында сайлау өтуі мүмкін: Тоқаев мәлімдеме жасады
Ұқсас жаңалықтар
