Қазан айының алғашқы күндері аяз жүреді
“Қазгидромет” 29 қыркүйек пен 1 қазан аралығындағы ауа райы болжамын жариялады, деп хабарлайды KYN.KZ ақпарат агенттігі.
29-30 қыркүйекте ауа райы қалыпты, жауын-шашынсыз болады.
1 қазанда Қазақстанның басым бөлігінде ауа райы тұрақсыз болады. Жаңбыр жауып, найзағай соғып, жел күшейеді. Түнгі және таңертеңгі уақытта кей жерлерде тұман түсуі ықтимал.
Елдің солтүстік жартысында 1-3°C аяз жүреді. Күндіз ауа температурасы елдің солтүстік жартысында +15…+23°C болады.
Оңтүстігінде ауа температурасы +20…+25°C-тан +15…+23°C-қа дейін төмендейді. Таулы аудандарда +10…+15°C-тан +8…+13°C-қа дейін төмендеуі мүмкін.