Өнеркәсіп вице-министрі Қазақстанда автонесиеге сұраныстың азаю себебін түсіндірді
Өнеркәсіп және құрылыс вице-министрі Олжас Сапарбеков Үкіметте өткен брифингте Қазақстанда автонесиеге сұраныстың төмендеуі туралы сұраққа жауап берді, деп хабарлайды KYN.KZ ақпарат агенттігі.
Брифинг барысында өнеркәсіп және құрылыс вице-министрі Олжас Сапарбеков Қазақстанда автонесиеге сұраныстың төмендеу себебіне қатысты айтты.
БАҚ өкілдерінің айтуынша, көлік бағасы төмендегендіктен, жүргізушілерге көлікті несие алмай-ақ бірден сатып алу тиімдірек.
"Таңдау және сатып алу құқығы – әр азаматтың жеке еркі. (…) Біздің, Өнеркәсіп министрлігінің, үкіметтің мүддесі – азаматтарға ыңғайлы болуы үшін мүмкін болатын құралдар жиынтығын ұсыну. Халықтың көлік құралын сатып алу бойынша таңдау құқығы болуы қажет. (…) Бірақ біз статистика соңынан қуып отырған жоқпыз", - деді өнеркәсіп және құрылыс вице-министрі Олжас Сапарбеков.