Астанада қар жауып, көктайғақ болады, Алматыда күн жылынады
Алдағы үш күнде Астана мен Алматыда ауа райы айтарлықтай өзгеше болады. Елордада жаңбыр мен қар жауып, көктайғақ пен екпінді жел күтіледі, ал Алматыда жауын-шашын болжанбайды. Оңтүстік мегаполисте күндіз температура +16 градусқа дейін көтеріледі, деп хабарлайды KYN.KZ ақпарат агенттігі Қазгидрометке сілтеме жасап.
20 қараша Астанада өткінші жаңбыр мен қар жауып, көктайғақ пен тұман болады деп күтіледі. Түнде температура -2…-4 градус, күндіз +3…+5 градус болады.
21 қараша жауын-шашын күтілмейді, бірақ кей жерлерде тұман болуы мүмкін. Түнде -1…-3 градус, күндіз ауа температурасы +5…+7 градусқа дейін жылиды.
22 қарашада ауа райы қайтадан нашарлайды: түнде жаңбыр мен қар, күндіз жаңбыр жауады деп болжанады. Температура түнде -1-ден +1 градусқа дейін, күндіз +6…+8 градус болады.
Алматыда үш күн бойы жауын-шашынсыз болады. 20 және 21 қарашада түнде +4…+6 градус, күндіз +13…+15 градус жылы болады деп күтіледі. 20 қарашаға қараған түні және таңертең тұман түсуі мүмкін.
22 қарашада күн одан әрі жылына түседі: түнде температура +6…+8 градус болады, күндіз ауа +14…+16 градусқа дейін жылиды.