Алматыда Дениспен қоштасуға жиналған халықтың қарасы көп (видео)
Тұрғындар таңғы 7-ден бастап стадионға қарай ағылған
Бүгін Денисті соңғы сапарға шығарып салуға жиналғандардың қарасы өте көп.
Халық таңғы сағат 7-00-ден бастап Балуан Шолақ атындағы стадионға қарай ағылып жатыр. Жүздеген адам Қазақстанның мақтанышы Денис Теннің рухын ұлықтауға гүл шоқтарын ала келген. 
Олимпиада жүлдегері Денис Тенді ақтық сапарға шығарып салу рəсімі бүгін сағат 10.00-де басталады. Оның денесі Дружба ауылындағы зиратқа жерленбек. 
Айта кетсек, Қазақстандық мәнерлеп сырғанаушы Денис Тен 19 шілде күні пышақ жарақатынан қаза болған еді.