Қолы тимесе де адамды қағаздай ұшыратын емшінің әрекеті елді шошытты (видео)
Емші араб тіліндегі әуенді айқайлатып қойып, бір бөлмеде науқасты арыдан-бері аунатып ем жүргізеді
Көпшілік науқасты арыдан-бері аунатып емдеген емшінің әрекетіне қайран қалды, деп жазды KYN.KZ. Ең қызығы емші науқасқа қолын да тигізбейді. Тек алыстан алақанындағы тоғын зариядтай отырып, қолын қимылдату арқылы аудамды құлатып тастайды. Мұны көрген көпшілік екі адамның ойыны деп толық айта алмады. Себебі, құлаған азамат өзін еш аямаған. "Егер адам арқасымен өтірік құлайтын болса, жанбасымен жайғасып алып, кейін барып жатуы керек. мына кісі бірден жауырынымен құлайды.", "Сонда бұл не ем. Қалай емдеп жатыр, неден емдеп жатыр?" деген сынды сұрақтар көп болған. Кей азаматтар мұндай адамдар емші емес, алаяқ болады деп кесіп айтып жатты.