Бір жыл үзіліс алған Ақбота Керімбекова артық салмақпен күреспеуінің себебін түсіндірді. Әншінің айтуынша, дене сымбатына толықтай көңілі толады, деп хабарлайды Kyn.kz ақпарат агенттігі Oйбайlife бағдарламасына сілтеме жасап. «Салмақ тастайын деген аса құлшыныс жоқ. Әрине, әйел заты болған соң әдемі болып жүрген дұрыс. Бірақ мен не істей аламын? Әкем ірі, анам да ірі. Тұқым тегіне тартады деген сөз бар. Ірі болғандықтан, енді қайтемін? Сүйегімді егейін бе? Қатты семізбін, қатты арықпын деп те айта алмаймын. Өзім орташамын», - дейді Ақбота Керімбекова.