Жолаушылардың сөзінше, олар кешкі сағат алтының кезінде елордаға аттануы керек еді. Алайда, жүк көлігі пойызы барлық жоспардың күл-талқанын шығарыпты.  Ал жолаушылар  пойыздың қай уақытта жолға шығатынын білмей, басым бөлігі вокзалда қонуға шешім қабылдаған. . Жергілікті саудагерлер болса,  бұл жайтты құр жібермеді. Азық-түлік бағасын барынша көтеріп қойды.  Нан қымбаттап, ауыз су бағасы екі есе артқан. Ал тез пісірілетін кеспе үш-төрт есе артық бағамен сатылып, құны 400 теңгеге жетті. Тіпті әжетханаға бару үшін де жолаушылар ақша төлеуге мәжбүр болыпты. "Шымкент" станциясының басшысы араласқаннан кейін ғана әжетхана тегін болған. Жолаушыларға күту залында, "ана мен бала" бөлмесінде, перрондағы орындықтарға, көгалға түнеуге тура келді.