Астанада құрылысы бітпеген коттедж құлап, үйінді астында жұмысшылар қалып қойды (фото)
Құрылысы жүріп жатқан үйде оқыс оқиға болды. Бірінші мен екінші қабатты жалғап тұрған үйдің бөлігі құлап, үйінді астында жұмысшылар қалып қойды.
Төтенше жағдайлар комитеті мен ішкі істер министрлігінің хабарлауынша, оқыс оқиға кеше кешкі сағат 8-дер шамасында Алматы ауданында болған. 
Балқантау көшесіндегі екі қабатты үйдің бірінші және екінші қабатының арасы белгісіз себеппен құлап түскен.
Құтқару қызметі қазір үйінді астында қалған үш жұмысшыны алып шыққан. Олардың барлығы түрлі жарақаттармен ауруханаға жеткізілді.