Сайрагүл Сауытбай үкіметтен көмек сұрады
Қандасымыз үкіметтен өзінің және отбасының бас амандығын қорғауды өтінеді
Шекараны заңсыз кесіп өтті деп айыпталып, сот залынан босап шыққан қандасымыз Сайрагүл Сауытбай Қазақстан үкіметінен көмек сұрады Белгілі журналист Сәуле Әбілдаханқызы фейсбуктегі парақшасында Сайрагүл Сауытбаймен тікелей эфирде сұқбат ұйымдастырған еді. Әңгіме барысында қандасымыз ел үкіметінен көмек сұрады. "Күйеуім мен екі баламның бас амандығы қатты мазалайды" "Менде қазір қолымда тек "пана іздеуші тұлға" деген куәлік бар. Оған рақмет. Енді үкім күшіне енгеннен кейін, құзырлы органдардағы ағаларымыз босқын куәлігін, одан әрі азаматтық алуға көмектессе деген тілегім бар", — деді Сайрагүл Сауытбай.