Әділдікті іздеген жас ақын Назерке Семей соңғы үміті - Бибігүл Дәулетбекқызына жазған екен. "Бибі әпке, сіздің көмегіңіз керек. Мен бүгінгі таңда қызды ұзатар алдында айтылып жүрген "Әгугәй" әнінің авторымын. Жас ақынмын. Қанатым қырылып, жүрегім қан жылап жүр. Сізден көмек сұрап отырмын", - деп өтініш білдірген. Журналист өз кезегінде бұл тамаша әнді бұған дейін естігенін айтып, жас ақынға сол сәтте телефон шалады. Оның айтуы бойыншаұзақ сөйлесіп, оқиғаның мән-жайы анықтала бастайды. «Неге мені пайдаланады жұрт? Олар сонда мен арқылы нанын тауып жеп жүр ғой. Олар менің дауысымды барлық тойларда пайдалануда. Аңғал халық сол пайдакүнемдерге сеніп, фонограммасы үшін ақша төлеп отыр. Керек десеңіз Бибігүл әпке, әнші Салтанат Бақаева бұл ән үшін бір тиын да төлемеді», - деп Назерке журналистке мұңын шаққан. Келесі сөзінде жас ақын Салтанат Бақаева тағы хабарласып, "Қыз ұзатуда ішке кіргізерде бір ән жазып жатыр едім, өлең жазып бересің бе?" деп өтініш білдірген. Назерке келісіп, әнге әдемі сөз жазып, атын «Әдемі-ай» қойып, қайта жіберген. Кеін қаламақы ретінде 50000 теңге сұрағанда Салтанат менде ондай ақша жоқ деп, 20000 теңге ғана ұсынған. Әрине, мұндай күлкілі сомаға ақын келіспегенін айтады, артынан Бақаева атын өлеңнің атын өзгертпей басқа ақынға жүгінгенін баяндады. Журналист сөз соңында Назеркені қатты аяғанын, Салтанат Бақаеваның «Арнаудан» кеткелі бері жөні түзу әні «Әгугәй» ғана болғанын айтып, миллиондап табыс тауып жатқанда «50000-ға бола жылағанына жол болсын» деп, өзгелердің нанын жегендерді заңмен жазалау керек екенін алға тартқан.

"ӘГУГӘЙ"-ДІҢ АВТОРЫ БОЗТОРҒАЙША ШЫРЫЛДАУДА Инстаграмдағы директіге Керекулік Назерке Семей есімді сіңілімнің бозторғайша шырылдаған хатын оқып, жаман күйде отырмын. "Бибі әпке, сіздің көмегіңіз керек. Мен бүгінгі таңда қызды ұзатар алдында айтылып жүрген "Әгугәй" әнінің авторымын. Жас ақынмын. Қанатым қырылып, жүрегім қан жылап жүр. Сізден көмек сұрап отырмын" деп жазыпты. О, тоба! Бұл әнді мен былтыр алғаш рет естігенімде, қатты ғашық болып, жүз қайтара тыңдаған әнім емес пе? Сыңғырлаған үн жүрегімді елжіретіп жіберген болатын. Әнді кім орындайды екен деп, тезірек гуглдан іздеп, ютубтан бейнеклипін көрдім де: "Бақаевадан әлгі дауыс әдемірек естіледі екен. Неткен сыңғырлаған үн" деп қоямын іштей тамсанып. Хат иесіне дереу телефон нөмірімді жаздым. Екеуміз телефон арқылы ұзақ сөйлестік. Күрсінген дауысынан - қобалжығандық, көмейінде - өксік тұрғандай болып сезілді. "Неге мені пайдаланады жұрт? Олар сонда мен арқылы нанын тауып жеп жүр ғой. Олар менің дауысымды барлық тойларда пайдалануда. Аңғал халық сол пайдакүнемдерге сеніп, фонограммасы үшін ақша төлеп отыр. Керек десеңіз Бибігүл әпке, әнші Салтанат Бақаева бұл ән үшін бір тиын да төлемеді. Жарайды, жас ақынмын ғой деп қолымды бір сілтедім. Одан кейін Салтанат тағы шықты маған. "Қыз ұзатуда ішке кіргізерде бір ән жазып жатыр едім, өлең жазып бересің бе?" дегеннен кейін, өлеңнің тақырыбын "Әдемі-ай" деп қойдым да, жібердім. Содан кейін оған: "Салтанат, кешіріңіз, маған 50 мың теңге төлесеңіз" дей берген едім, әлгі жерде ол ашуланып: "Ондай ақша менде жоқ! Берсем - 20 мың теңге!" дейді. Артынша басқа ақынды тауып, менің өлеңімнің атына дейін алып, шығарып жіберді. Жүрегім қан жылады. Сол күнгі күнім жылаумен өтті..." дегенде, Назеркеге @nazerke.semey қатты жаным ашып кетті. Кісі ақысын жегендердің жақсы болып жатқанын көрмедім. Шындығымды айтсам сол Салтанат Бақаеваны кезіндегі "Арнау"-дан кейін жөні-түзу бір әнін естімеген едім. Осы "Әгугәй" әнінен кейін қайта халықтың ыстық ықыласына бөленді емес пе? ЖАЛҒАСЫ КОММЕНТЕРИЙДЕ👇🏻👇🏻👇🏻

Публикация от Бибігүл ДƏУЛЕТБЕКҚЫЗЫ (@bibiguldauletbek) 8 Авг 2018 в 10:48 PDT