Төлқұжаттың орнын iPhone басуы әбден мүмкін
АҚШ патенттік басқармасы Apple компаниясынан iPhone арқылы жеке тұлғаны сәйкестендіру технологиясын тіркеуге алды
Ведомствоның мәлімдеуінше, бұл технология төлқұжаттың орнына смартфонды пайдалануға мүмкіндік береді. Онда ақпаратты сұраушы орган телефон иесінің шифрланған деректерін қорғалған деректер қорынан ала алады. Компания телефондағы ақпаратты радио жиілігін сәйкестендіру технологиясын NFC арқылы жіберуді жоспарлап отыр. Ал, деректердің қорғалуын Touch ID және Face ID идентификаторының биометриялық тексеру технологиялары қамтамасыз етпек. Тұжырымдаманың ауқымы кең.Мәселен, оны жеке компаниялар қызметкерге арналған өткізу жүйесінде және мемлекет төлқұжатты бақылау кезінде қолдана алатын болады.