Ақмола облысында күзетте тұрған сарбаз оқтан мерт болды
тепногорск қаласындағы 35/17 әскери бөлімінің сарбазы өз қолындағы қарудан қаза тапты
Қайғылы оқиға 17 тамыз күні таңғы сағат 7.30 шамасында болған. Күзетте тұрған Роман Данияевтің өз қаруынан атылған оқ өзінің басына тиген. Сарбаздың нақты қалай көз жұмғанын сараптама нәтижесі анықтайды.
Қазіргі таңда оқиғаға қатысты бойынша қылмыстық іс қозғалып, сотқа дейінгі тергеп-тексеру амалдары жүргізіліп жатыр.
Айта кеткен жөн, қаза болған 21 жастағы қатардағы жауынгер Қарағанды облысынан шақырылған.
«Барлық материалдар орталық аудандық әскери тергеу басқармасына жіберілді. Нәтижесі осы тергеудің нәтижесі бойынша әскери тергеу басқармасы қалай тергеп болады, сосын нәтижесін сол кісілерден білуге болады. Жалпы ол сарбаз өзін тек жақсы жағынан көрсеткен сарбаз. Психологиялық ауытқулармен тіркеуде тұрмаған», - дейді «Орталық» өңірлік қолбасшылығы баспасөз қызметінің бастығы Қанат Дос.