Қайырымды жандардың ақшасына қымбат пәтер жалдап, көлік сатып алды: Қызына елден көмек сұраған жігіт көптің күмәнін тудырды
Денесінің 50 пайызы қатерлі ісікпен зақымдалған Әлима Көпейдің әкесі Алтай Көпей жұрттың айыптауларына жауап берді
Әлеуметтік желіде денесінің 50 пайызы қатерлі ісікпен шалдыққан Әлиманың жағдайы кімді болсын назарынан тыс қалдырмады. Қолы ашық жандар балақайдың тезірек жазылуы үшін отасына қажет қомақты қаражатты аударып жатты. Алайда, желі қолданушылары арасында Әлиманың ата-анасы қыруар ақшаны қыздың еміне емес, өздеріне жұмсауда деген айыптаулар да айтыла бастады.