Түркістан облысындағы мектептердің бірінде алғашқы оқу күні шу болды. Онда орамал таққан оқушыларды мұғалімдер мектепке кіргізбей қойған. Ал оқушылар болса күш қолдана отырып, сыныптарына барып жайғаспақшы болады. есікті тарс жауып қарсы болған ұстазды оранған оқушы қыздың бірі ұрып та алады. "Орамалды бәрібір шешпеймін" деген оқушы қыз өзін мектепке кіргізуді талап етіп, айқай салып жылайды. Оранған оқушылардың туыстары да мектепке бірге келген екен. Олар болған жайтты видеоға түсіріп, мұғалімдерді "Қыздарға қолыңызды көтердіңіз, қол тигізбеңіз" деп жала жаппақшы болады. Әрі үстілерінен полицияға шағым түсіретіндерін ескертеді.

1 қыркүйек Түркістан облысында болған жағдай. Мектеп əкімшілігі орамал таққан қыздарды мектепке кіргізбеген. Олард ұстаздарына қол көтеріп мектепке күшпен кіріп кетпекші болған. Ал оларды қорғап видеоға түсіріп жүрген азамат мұғалімдерді полицияға шағым түсіреміз, "қыздарға қол көтердіңіз" деп қорқытқан.

Публикация от KYN.KZ (@kyn.kz) 4 Сен 2018 в 3:22 PDT

Ал бүгін Білім және ғылым министрі Ерлан сағадиев оқытушылардың заңға сай әрекет еткенін айтты. Себебі мұндай жағдай еліміздің бірнеше өңірінде орын алған. Әсіресе  Түркістан облысы, Алматы облысы, Ақтөбедегі мектептерде осы мәселеге орай шу болыпты. "Мектептерде хиджабқа тыйым салынған. Біздің позициямыз өзгерген жоқ", — деді министр.