Танымал отандық тележүргізуші 42 жасында отау құрды
Асқар өз әріптесіне үйленді. Олай дейтініміз Айым сол арнаның басқа бөлімінде еңбек етеді.
Күнделікті соңғы жаңалықтармен таныстыратын, көрермендердің көзайымына айналған 31 арнаның тележүргізушісі 42 жасында шаңырақ көтеріп отыр. 
Меңдібаевтың жарының есімі – Айым. Ол да 31-ші арнада қызмет атқарады екен. Осылайша, бүгін 31-ші телеарнаның екі департаменті ресми түрде құда болған.
https://www.instagram.com/p/BnvU7xtl8Vp/?utm_source=ig_web_copy_link
Жас келіннің бетін күйеуі жігіттің әріптесі Мақсат Толықбай ашқан екен. Сонымен қатар, тележүргізушінің әріптестері мен желі қолданушылары да көптен күткен тойдың суреттерін жариялап, ізгі-тілектерін білдіруде. 
«Асқар, маxаббатарың баянды болсын! Олег пен Зояның жолын берсін! 20-жылдық тойларыңда кездесейік! Бүгін 31-ші телеарнаның екі департаменті ресми түрде құда болды. Өте қуаныштымыз. Ұзағынан болғай!»,-деген ізгі тілегін білдірді Гүлжан Мұқышева. 