Қазақша рэп оқыған Димаш Құдайберген қытайлықтарды таңдай қақтырды (видео)
Қытайда болған Idol Hits шоуында өнер көрсеткен Димаш Құдайберген ана тілінде рэп оқып, жанкүйерлерін өнерімен тәнті етті
Димаш Құдайберген Қытайдың iQiYi арнасында шығатын жұма күнгі музыкалық шоуында күні кеше өнер көрсетті.
YouTube арнасында видеоның жарық көргені сол еді, желідегілер қайталанбайтын дауыс иесінің талантына бас июден басқа шаралары жоқ екені жарыса жазды.
Димаш «Screaming» әнін орындау кезінде өз ана тілінде рэп оқып, жаңа қырынан танылды. Шетел сахнасында қазақ тілінде рэп оқыған отандық әнші жанкүйерлерін таңдай қақтырып, қошеметке бөленді. «Димаш кез-келген әнге жаңа дем береді. Ал, ол бұл әнді өте ерекше орындап шықты. Жерлестеріміз үшін қашан да қуаныштымыз! Алар асуы көп болсын!»,- деді желі қолданушысы. https://youtu.be/lnbqLiAcrb4