Алматының керемет көріністерін арнайы Италиядан келген Виттория Брумотти есімді спортшыға аралатып көрсетпек болған қазақстандық велошабандоз ұятқа қалған. Оның жоспарын толассыз шашылып жатқан қоқыс құртқан.
«Біз ең әдемі деген жердің біріне барып, табиғаттың ерекше көрінісін тамашалағанның орнына, мына қоқыстарға қарауымызға тура келді. Өте ұят жағдай достар.
Адамдар қалаған жеріне қоқыс тастап, айналасын ластауда. Сол үшін табиғатқа аса ерекше назармен қарайық. Өз қалаңызды жақсы көріңіз. Оның тазалығы үшін барын салғыңыз келсе, өзіңізден бастаңыз» , — деп жазған қазақстандық велошабандоз.
Винокуровтың өз парақшасына жүктеген бейнежазбасында ол басқалардың қоқыстарын жинауға кірісетіні көрініс тапты.
