Күйеуі кішкентай қыздарға хат жазды деп айыптаған қазақстандық блогер Құлпынай Қалменованың атына төрт арыз түскен, деп хабарлайды KYN.KZ ақпарат агенттігі.

Бұл туралы Алматы полиция департаментінің баспасөз қызметі мәлімдеді.

"Бұған дейін хабарланғандай, бұл оқиға бойынша Наурызбай аудандық полиция бөлімі тергеу жүргізіп жатыр. Сонымен бірге, аталған полиция бөліміне азаматша К-ға (жазбалардың авторы) қатысты, оның ішінде кәмелетке толмаған екі қыздың заңды өкілдерінен төрт арыз түскенін хабарлаймыз", – деп толықтырды полицейлер.

Еске салсақ, қаңтар айының басында қазақстандық блогер Құлпынай Қалменова күйеуін педофил деп, оның кәмелетке толмаған қыздармен жазысқан хаттарын жариялаған болатын.