Несие алып аузы күйген жандардың арасында белгілі әнші Алтынай Жорабаева да бар. Ол бір кездері банктен алған несиеге бола қандай қиындыққа тап болғанын айтып берді. "Иә, 2003-2004 жылдары менің басымда несие болды. Көлігімізді несиеге алып, кейін оны жаптық. Осыдан кейін жер үйді несиеге алдық. Үй менің атымда болғандықтан, сотқа шақырту алған жағдайлар болды", — деді Алтынай Жорабаева. Әншінің несиені төлей алмауына концерт пен тойдың бәсеңдеуі де әсер етсе керек. Десе де, Алтынай Жорабаева жуырда осы несиесін толықтай өтегенін айтты. "Үйлердің бағасы жоғары болып тұрған кезде айына 6 мың доллар төлейтінбіз. Осы ақша бір жылдай уақыт төленбей қалды. Осының салдарынан іс сотқа кетіп қалған жағдайлар болды. Бірақ шамамен екі жыл бұрын жалғыз өзім несиені толықтай төледім", — деді әнші.