Төреғали Төреәлі жақында ғана елге таныстырған келіншегі Толқынға қоятын талаптары туралы айтып біраз адамды қайран қалдырды. Әншінің сөзінше бірінші талабы әйелі қалай да ата-анасының көңілінен шығуы керек екен. "Мен бірінші орынға ата- анамды қоямын. Үйленер алдында болашақ жарымды таныстырып, үйдегілердің пікірін білдім.  Анам бірден ұнатып, "осы қызға үйленбесең балам демеймін" деді. Содан бірден үйленетін болып шештік. Он бала туса да ата-анамның көңілін таба алмайтын әйелмен тұра алмаймын. Оны Толқын да жақсы біледі. Барлығы келісілген түрде алдын ала сөйлесіп те алғанбыз",-дейді үш баланың әкесі. Ал көпшілік Толқын мен Төреғалидің анасы бір- біріне қатты ұқсайды деп жатады. Мысалы енесі мен келіні көпшіліктің алдына шығып, танылуды, жұлдыз болып жануды онша ұната бермейді. Тек отбасындағы өнер адамдарын қолдап, соларға жағдай жасауға тырысады екен.