Көршілері 44 жастағы әйелдің бұзақылығы бойынша полицияға шағымданған.
Астана тұрғыны үйінің подъезінде дәрет сындырғаны үшін жауапкершілікке тартылды. Ерсі әрекетке барған әйелге қатысты шағым жергілікті полиция бөлімшесіне көршілерінен келіп түскен.
Бұл туралы елордалық полиция департаменті мәлімдеді деп хабарлайд KYN.KZ сайты.
Оқиға 30 қазан күні Ақмешіт көшесіндегі тұрғын үйде орын алған. Қоғамдық орында дәрет сындырып, ерсі қылық танытқан адам 1974 жылғы келіншек болып шықты.
Полиция қызметкерлері 44 жастағы әйелге қатысты "шағын бұзақылық" бойынша әкімшілік хаттама толтырды.
Құжаттар Астананың арнайы мамандандырылған ауданаралық әкімшілік сотына жіберілген.
Нәтижесінде, тұрғын үй подъезінде дәрет сындырған әйелді үш тәулікке қамау туралы үкім шықты.
