Бүгін Мәскеудегі «Лужники» алаңында Ресейде алғаш рет өтіп жатқан футболдан Әлем Чемпионатының ашылу салтанаты өтті деп хабарлайды KYN.KZ Ашылу салтанаты РФ президенті Владимир Путин қатысты. «Қымбатты достар, тарихи алаң «Лужникиға» қош келдіңіздер. Барлықтарыңызды бүгінгі чемпионаттың ашылуымен құттықтаймын. Бұндай үлкен көлемдегі спорттық шара Ресейде алғаш рет өтіп жатыр, біз өте қуаныштымыз», - деп барлық қатысушыларға сәттілік тіледі. Ашылу салтанатынан бірнеше сағат бұрын мерекелік шараға ҚР президенті Н.Ә.Назарбаев ұшып барған болатын. Сонымен қатар мерекелік шараға ТМД-ның және шетелдің басшылары қатысты. Көрермендер алдында ең үздік жұлдыздар өнер көрсетті. Атап айтатын болсақ танымал әнші Робби Уиллямс атақты ресейлік опера ханшайымы Аида Ғарифуллина таңғажайып музыкамен әрледі. Әлем чемпионатын Ресей құрамасы мен Сауд Арабия футболшылары бастайды.