Танымал әнші Дастан Оразбеков Төреғалидың отбасымен жекжат екенін, бірнеше жыл бұрын әнші елден жасырып үйленген кезде ұзатуында қонақта болғаны жайлы айтты. "Шыны керек" бағдарламасының жүргізушісі Темір мырза Оразбековтың Төреғалидың әкесімен не себепті төбелесіп қалғанын ашық сұрады. Әнші өз кезегінде астарлап, оқиғаны жұмсарта отырып, жанамалап жауап берді. Төбелеске себеп Дастанның әлеуметтік желіге ұзатудан жүктеген естелік суреті болуы әбден мүмкін. "Темір, бірге туған ағайындылар да ұрысып, төбелесіп қалып ондаған жылдар бойы араласпай кетуі мүмкін. Болған зат болды. Рас төбелестік. Ол екі ер азаматтың арасындағы жағдай. Оны елге ашып айтудың қажеті жоқ. Төреғалимен сәлемім түзу. Әкесімен рас, араласпаймын, ол төбелеске дейін де араласпағанмын",-  деп жауапты қысқа қайырды. Жүргізуші болса өз кезегінде Дастанның тағы да осы мәселе бойынша ашық әрі нақты жауап бермегенін айтып өтті.