Жақындарының сөзінше, Ирфан әрқашан ашық, ақкөңіл, жайдары болған. Достары оны «Гуф» деп атайтын. Ол диджей болып жұмыс істеп, әртүрлі шаралар жүргізген.

Туыстарының айтуынша, жақында ғана ол сүйіктісіне үйленуге ұсыныс жасапты. Содан кейін Мәскеуге барып, ақша табуға кеткен.

Оның Ресейге кететінін жақындары кететін күні білген.

Марқұмның әпкесі Дания Коковина, Ирфан оған хабарлама арқылы тағылымдамадан өткенін, жұмыс беруші оның тұратын жерінің ақшасын, тәуліктік ақша төлейтінін жазған. Ол үнемі Даниямен сөйлесіп отырған.

Әпкесінің сөзінше, қайғылы оқиғадан бұрын бауыры жағдайы жақсы екенін айтқан. Бірақ әлеуметтік желідегі парақшасында ол «Гуфтың өлімі» трегін жүктеген.

Ол кезде бұл жайтқа ешкім мән бермеген.

"Маған соңғы SMS пен суретті жіберген кезде кешкі 19:20 болатын. Маған кейін хабарласатынын жазды. Содан кейін байланысқа шықпады", - деді Дания.

Әпкесімен сөйлескеннен кейін 20 минут өткен соң қазақстандық жігіт тікелей эфирге шыққан. Жігіт орындыққа шығып, мойнына жіпті таққан. Сосын өзін көріп отырғандарға қол бұлғап, өліп кеткен.

Қасым Ахмеджановқа қаралы хабарды қызы жеткізген. Жігіттің туысқандары ресейлік тергеушіге барлық қажетті құжаттарды берді.

Қазіргі таңда шымкенттік жігіттің өлер алдындағы хат қалдырған-қалдырмағаны белгісіз. Болған жағдайдың мән-жайын тергеушілер марқұмның туыстары Новый Уренгойға барғанда ғана айтады. Бірақ отбасының Ресейге баратын жағдайы жоқ.

СІМ қайғылы оқиғаға қатысты пікір білдірді. Ведомство мәйітті туған қаласына жеткізуге және құжаттарды рәсімдеуге көмектесетіндерін мәлімдеді.