Түркістан облысына қарасты Жетісай ауданында өгей шешесінен бірнеше уақыттан бері қысым көрген үш қыздың әкесі екінші әйелінен, яғни қыздардың өгей анасынан көңілі қалғанын айтып, балаларын ешкімге де бермейтінін жеткізді.
Жеткіншектердің әкесі Нұрмахаммет Қойымбетов әйелінен көңілі қалғанын, оны аналық құқықтан айырса бір жарым жастағы баласы мен дүниеге келетін нәрестені де өзі бағуға дайын екенін ашып айтты.
"Қыздарымды өзім қадағалап, өзім жүремін қасында. Әжесі бар, жеңгем бар, бәріміз қасында жүреміз. Қыздарды ешкімге бермеймін", - деді ол.
