"Зардап шеккендер жеткізіле бастады, оларды қабылдап, қажетті көмектің бәрін көрсетіп жатырмыз", - деді аурухана дәрігері.

Айта кетсек, Арыстағы төтенше жағдайларға байланысты Ордабасы ауданында дәрігерлік штаб құрылған. Оны Түркістан облысының денсаулық сақтау басқармасының бастығы Мұқан Егізбаев басқарады. Жедел жұмыстар жүргізілуде. Арысқа 30 жедел жәрдем жіберілді. Қажет болған жағдайда бірнеше ауданнан қосымша жедел жәрдем көліктері дайындалады, деп хабарлады өңірлік сайт. Дүйсенбі Түркістан облысы Арыс қаласындағы әскери бөлімнің аумағындағы қоймада жойқын жарылыс болды. Қорғаныс министрлігі оқиғаның мән-жайы мен себептері анықталып жатқанын хабарлады.