Бетперделі қазақ жігіт кішкентай балаларға өз ақшасына қалың сырткиімдер сатып алып, оларды тегін берді, деп жазды KYN.KZ cайты.  

Бұған дейін де өзінің жомарттығымен елдің назарына іліккен бет-аузы қымтаулы белгісіз жігіт әлеуметтік желіде тағы бір қайырымды ісін жариялады.

Жомарт жігіт сауда орталықтарының біріне барып:

«Сәлеметсіз бе! Балалардың қысқы курткасын сатып алып, тегін таратсақ, қалай қарайсыз», - деп сатушы әйелден сұрағанын көруге болады. Сатушы әйел де қарсы еместігін айтып, іске көшеді.

Сондай-ақ бетперделі жігіт тек қана балаларды емес, қарттарымызға, суықта ауыр жұмыста жүрген үлкен аға-әпкелерімізді де қуантып, баталарын алып жүр. Оның халыққа жасаған бұл жақсылығына ел риза болып, алғысын жаудыруда.

«Алла сізге осындай жүрек бергеніне мың алғыс!!! Жолыңыз әрдайым ашық болсын», «Молодец! Спасибо Человек в Маске за помощь людям!», «Алла разы болсын сізге!», «Қандай керемет істер жасап жатырсын. Аллам разы болсын!!!», - деп жазуда желі қолданушылары.