Кезектен тыс президент сайлауы күнінде елімізде 634 бала дүниеге келді. Бұл туралы Денсаулық сақтау министрлігі хабарлады, деп жазды KYN.KZ.

Министрліктің дерегі бойынша, 20 қараша күні Қазақстанда 634 сәби өмірге келген. Олардың ішінде алты егіз бар. Республика бойынша сайлау күні 328 ұл мен 306 қыз бала туғаны белгілі болды. Олардың кейбіріне сайлаудың құрметіне Сайлаугүл, Сайлаубек сынды есімдер қойылуы мүмкін деген болжам да бар.

Еске сала кетейік, кеше елімізде кезектен тыс президент сайлауы өтті.