Жұма күні Алматыда қаңтардағы қайғылы оқиғаға арналған мемориалдың ашылуы өтті.

Ескерткіштің ашылуына Қазақстан президенті Қасым-Жомарт Тоқаев пен мегаполис әкімі Ерболат Досаев қатысты.

Бұған дейін президент мемориалға болашақ ұрпақтың қауіпсіздігі үшін өз өмірін құрбан еткен қазақстандықтардың есімдері жазылатынын атап өткен болатын.

Естеріңізге сала кетейік, Жаңаөзен мен Ақтауда газ бағасы көтерілгеннен кейін басталған бейбіт митингілер Маңғыстау облысында бейбіт жолмен аяқталды.

Алматыда және басқа өңірлерде наразылықтар қайғылы жағдайға әкеліп соқты. Қазақстан билігі наразылықтарды мемлекеттік төңкерісті ұйымдастыруға тырысқандар пайдаланды деп мәлімдеді. Жаппай тәртіпсіздік кезінде 238 адам опат болды.