Мемлекет басшысы мемлекеттік жастар саясаты және әлеуметтік қамсыздандыру мәселелері бойынша түзетулерге қол қойды. Бұл туралы Ақорда хабарлады, деп жазды KYN.KZ. Негізгі түзетулер қатарында: ▪ жастардың жасын 35 жасқа дейін ұлғайту; ▪ бала күтімі бойынша жәрдемақы төлеу мерзімін 1,5 жасқа дейін ұлғайту; ▪ 2023 жылдан 2028 жылға дейін әйелдердің зейнеткерлік жасын 61 жасқа арттыруды тоқтату; ▪ базалық зейнетақы мөлшерін кезең-кезеңімен ұлғайту; ▪ ынтымақты зейнетақы мөлшерін есептеу кезінде табыстың барынша шектелуін 46-дан 55 АЕК-ке дейін арттыру; ▪ сақтандырылған тұлғалар үшін жұмысынан айрылу бойынша әлеуметтік төлемдердің мөлшерін орташа айлық табыстың 45%-на дейін арттыру; ▪ мемлекеттік атаулы әлеуметтік көмек алушыларға ұсынылатын кепілдендірілген әлеуметтік пакетті монетизациялау.