Македониялық омарташы жабайы аюды сотқа берді, ол омартадан шыққан балдың еліктіретін иісіне қарсы тұра алмай ұяларын бұзып жіберген. Би-би-си хабарлағандай, жануарға тонау және заңсыз зиян келтірді деген айып тағылды деп, жазды KYN.KZ Зардап шеккен омарташы да, судьялар да орман тұрғынына айып тағуға батылы бармады. Ішінара аюды ешкім ешқашан ұстамағандықтан, ол әлі күнге дейін Битола қаласының маңында мекендейді. Сот отырысы күні айыпталушылардың орындығындағы орын бос болды, бірақ Зоран Киселоски  әділеттілік үшін сотқа келіп, төрт аяқты бұзақы оған үлкен зиян келтіргенін айтты. Омарташының айтуынша, аю бір жыл бұрын оның араларының ұяларына шабуыл жасай бастаған, содан кейін Киселоски өз учаскесіне генератор орнатқан, оның көмегімен қорғалатын аумақты үздіксіз жарықтандырып және серб фольклорынан әндерін үнтаспаға қосып қойған. Бірақ генератордың энергиясы бәсеңдеп нәтижесінде  жарық пен музыка да сөніп қалған. Бұл мүмкіндікті аю бос жібермей, араның ұяларын да бұзып шыққан. Македониялық тұрғынның жағдайын түсінген сот аюдың қожайыны болмағандықтан, мемлекет омарташыға шығынды өтеуі керек деп шешті. Нәтижесінде Зоран өтемақы ретінде 3500 доллар алады.