Президент қорғаныс министрін қызметінен босатты, деп хабарлады Ақорда.

"Мемлекет басшысының Жарлығымен Дәурен Қосанов Қазақстан Республикасының Қорғаныс министрі лауазымынан босатылды", - деп жазылған хабарламада.

Еске салайық, 24 қыркүйекте Маңғыстау облысында қайғылы жағдай болды. Каспий теңізіндегі ашық оқу-жаттығулар кезінде 17 әскери қызметкер суға кетіп, 14-і көз жұмды, үшеуі аман қалды.

Күні кеше Қорғаныс министрлігін кешенді тексеру жөніндегі комиссия құрылды.

Бұған дейін әскери қызметшілердің қаза болуына байланысты Қорғаныс министрлігінің бес лауазымды тұлғасы ұсталды.