Аталған ақпаратты мәлемдеген Түркияның Қазақстандағы елшісі Уфук Экичидің айтуынша, тағы 213 баланың құжаты табылмаған көрінеді, деп хабарлайды KYN.KZ. «Жиналған деректер бойынша 1858 жетім баладан 1645-нің құжаттары табылып, нақты кім екені анықталды. 1314 бала туысқандарымен байланысуға қол жеткізді. Бірақ тағы 213 баланың жеке басының кім екенін растайтын құжаттары табылған жоқ. Балалар қазір мемлекет қамқорлығында»,- дейді Уфук Экичи. Мемлекет тарапынан балаларға жан-жақты қолдау көрсетіліп жатыр. Елшінің берген мәліметінен жер сілкінісі салдарынан ата-анасынан айырылған балаларға патронаттық тәрбиеші болғысы келетіндердің қатары көп екенін білуге болады. Айта кететіні, жетім қалған балалар өзге елге асырап алуға берілмейді, Түркиядағы туыстарын тапқан жағдайда сонда орналастырылады.