Басты жаңалықтар
Қыс бойы бес мектеп оқушыларын жауратып, көмір ақшасын жоқ қылған шенділер жазаланатын болды
Жетісайда оқушылар қабырғасына мұз қатқан мектепте қыс бойы дірдектеп білім алды
Түркістан облысы, Жетісай ауданында бақандай бес мектептің оқушылары қыс бойы қабырғасына мұз қатқан суық мектепте дірдектеп, амалсыз сабақ оқуға мәжбүр болған. Себебі қаражат бөлінбей, бұл білім беру нысандары көмірсіз қалған.
Прокуратура білім бөлімінің былықтарын тексеріп, мектептерге көмір қаражат бөлінбегенін анықтады, деп жазады otyrar.kz. Салдарынан мыңдаған оқушы суық сыныптарда сабақ оқуға мәжбүр.
Желтоқсан және қаңтар айларында оқушылар уақытша басқа мектептерге ауыстырылыпты. Жылуды қамтамасыз етуге жауапты адамдар жоспар бойынша мектеп газбен жылытылуы керектігін жеткізді. Алайда, құжаттар уақытылы дайындалмағандықтан, оқу орны білім беру маусымы басталғанда газсыз да, көмірсіз де қалған.
Бұған қатысты жауапты мамандар жауап берді.
"Жетісай аудандық адами әлеуетті дамыту бөлімінің қызметкерлері, экономистер мен бухгалтерлер тәртіптік жауапкершілікке тартылды. Қазіргі уақытта барлық кемшіліктер жойылды, бүгінде барлық бес мектеп қатты отынмен толықтай қамтамасыз етілді", - деді Жетісай ауданы прокурорының орынбасары Рысбек Ерназаров.
Күннің күрт сууына байланысты өңір мектептерінде көмір қоры тез таусыла бастаған. Құқық қорғау органдары арнайы араласып, кілтиманның шешімін табуға, жағдайды тұрақтандыруға мұрындық болды.
Алдыңғы мақала
Музыкант Darkhan Juzz-дің неден көз жұмғаны белгілі болды
Ұқсас жаңалықтар
