Көліктегі полиция департаментінің баспасөз қызметі 2023 жылғы 25 ақпанда Астана әуежайындағы желілік полиция бөліміне Fly Arystan әуе компаниясының өкілдерінен Астана – Шымкент рейсі ауа райының қолайсыздығына байланысты кейінге қалдырылғаны туралы хабарлама түскенін мәлімдеді.

"Осыған байланысты 20-ға жуық жолаушы әуе компаниясы өкілдеріне өз наразылығын дөрекі түрде білдіре бастаған. 2-терминалдың екінші қабатындағы кассада олар жеке заттарын, сөмкелер мен ішінде суы бар пластик бөтелкесін лақтырып, ақпараттық бағаналар мен қорғаныш таспаларын құлатқан", - деп мәлімдеді көліктегі полиция департаментегіндегілер.

Мән-жайды анықтау барысында осы рейспен ұшқан Астана қаласының 27 жастағы тұрғыны анықталды.

Әйелге қатысты Әкімшілік құқықбұзушылық кодексінің 434-бабы 1-бөлігі "Ұсақ бұзақылық" және 73-2-бабы "Соққыға жығу" бойынша әкімшілік хаттамалар толтырылды.

Рейстің жолаушыларына сатып алған жері бойынша билет ақысы қайтарылды.