Басты жаңалықтар
Мүфтият журналист Жанат Бақыттың елді елең еткізген мәлімдемелеріне пәтуә берді
- автор kyn.kz
- 25 наурыз, 2023
- 883
![Мүфтият журналист Жанат Бақыттың елді елең еткізген мәлімдемелеріне пәтуә берді](https://kyn.kz/uploads/resized-images/2023/03/photocollage_20230325_120520316.jpg)
Жанат Бақыт көпшілікке Алланың миссиясы бітті, ораза ұстамасаңыздар болады деген ұсыныс айтқан
Белгілі журналист Жанат Бақыт жарты жылдан бері желідегі өз оқырмандарына жаңаша бағытта жаратылыс бойынша ешкім ойламаған мәлімдемелер жасап жүрген болатын. Рамазан айы басталғалы журналист айтқан сөздер мен ұстанымдар дәстүрлі мұсылмандыққа жат болғандықтан халық үдере шулады. Енді сол шуға мүфтият пәтуа айтты
"Әлеуметтік желідегі Жанат Бақыт деген журналистің Алла тағала туралы айтқан ауыр сөздері мұсылмандар арасында түсініспеушілік тудырды. Осы орайда Қазақстан мұсылмандары діни басқармасына әр өңірден түрлі пікір, наразылық білдірген хаттар келіп жатыр", -деді ҚМБД төрағасының орынбасары, наиб мүфти Ершат Оңғар.
Наиб мүфти шариғатта Алланың атынан жалған сөйлеу, өте ауыр күнә екенін айтты.
"Алла тағала қасиетті Құранның Ән'ам сүресінің 144-аятында «Адамдарды надандықпен адастыру үшін Алланың атынан жалғанды жалпағынан басатын пендеден өткен залым бар ма?» деп баяндаған. Алла сақтасын, Құдай атынан жалған сөйлеуден ауыр іс жоқ. Әсіресе, Рамазан айында осындай келеңсіз сөзді айту мен үшін де ауыр", - деді ол.
Ершат Оңғар халық тарапынан сұрақ жиі қойылып, наразылық білдіріп жатқаннан кейін мүфтият атынан ресми мәлімдеме жасауға мәжбүр болып отырғанын айтты.
"Хәкім Абай «Алла тағала - өлшеусіз, біздің ақылымыз - өлшеулі. Өлшеулімен өлшеусізді білуге болмайды» деп айтқан. Осы ретте барша мұсылман қауымын, барша отандасымызды журналист Жанат Бақыттың сөзіне еріп, дәстүрлі сенімімізге селкеу түсіріп, ел ішінде арандатушылық тудырудан сақ болуға шақырамыз. Қасиетті Рамазан айында мұндай ауыр сөз айтып, ел ішінде наразылық тудырып алудан сақ болайық. Тұтқан ораза қабыл болсын. Еліміз аман, жұртымыз тыныш болсын. Алла тағала тәуелсіздігімізді баянды етсін", - деді Ершат Оңғар.
Келесі мақала
Қызылордада 17 жылға сотталған азамат түрмеде үйленді
Ұқсас жаңалықтар
Басты жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024