Басты жаңалықтар
Қызылордада 17 жылға сотталған азамат түрмеде үйленді
- автор kyn.kz
- 25 наурыз, 2023
- 273
![Қызылордада 17 жылға сотталған азамат түрмеде үйленді](https://kyn.kz/uploads/resized-images/2023/03/1679668317558.jpg)
Ол қарақшылық және адам өлтіру бабы бойынша сотталған
Қызылордада қарақшылық және адам өлтіру бабы бойынша 17 жылға сотталған жігіт отбасын құрды. Қылмыстық атқару жүйесі департаментіне қарасты №60 мекемеде жазасын өтеп жатқан ол 4 жыл бойы қалыңдығымен байланысын үзбеген. Енді олардың некесі қиылды, деп жазды КҮН.КЗ тілшісі Астана арнасына сілтеме жасай отырып. "Үйленіп некемді қиып жатырмын. Заңды куәлікті табыстап жатыр. 2016-дан бері, бостандықтан танимын. Сосын осы жаққа келіп, сөйлесіп, екеуміз некемізді қиып, үйленуге бел будық, Аллахтың қалауымен үйлендік",- деді жазасын өтеуші. Қазір мұнда 800-ден астам адам жазасын өтеп жатыр. Олардың ішінде жұмыс істеп, отбасына қаржылай қолдау көрсетіп отырғандар да бар. Былтыр 31 азамат некесін заңдастырған. Мұндай бастама сотталушыларға оң әсер етеді дейді департамент бастығы. "Әрі қарай бақытты болып, балалы-шағалы болып жатқан сотталған азаматтарымыз да бар. Бойдақ сотталған азаматтарымыз отбасылы болғаннан кейін, өмірге бала келгеннен кейін өмірге деген көзқарасы өзгереді, балаға деген. Әрі қарай бостандыққа ертерек шықсам, осы жерде тәртіп бұзбасам бостандыққа мезгілінен шартты түрде босау сияқты әрекеттерге барады",-деді Облыс бойынша қылмыстық атқару жүйесі департаментінің бастығы Шаймерден Есенкелдиев.
Ұқсас жаңалықтар
Басты жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024