Таразда бопсалаумен, қала мен облыс аумағындағы кәсіпкерлерден қарызды қайтарумен айналысқан, қылмыстық текетірестерге қатысқан қылмыстық топ ұсталды, деп хабарлайды Polisia.kz.

Қылмыстық топтың жетекшісі соңғы кездері өзін қоғам белсендісі ретінде көрсетіп, жастарды тәрбиелеу жөніндегі патриоттық қозғалыстың атын жамылып "қайырымдылық қоғамдық қорын" құрған.

Ол өзінің қылмыстық беделін "әділеттілікті жақтаушы" блогер имиджіне түбегейлі өзгертіп, әлеуметтік желілерде белсенді бола бастаған.

Өз қорына ерікті жарналар түрінде қылмыстық "қамқорлығы" үшін кәсіпкерлерден ақша бопсалап отырған. Бұған келіспегендерге күш қолданған.

"Полицияға топтың тоғыз мүшесі жеткізілді, 20-дан астам тінту жүргізіліп, қаңтар оқиғасы кезінде облыстық полиция департаментінен ұрланған "Калашников" автоматы, екі "Макаров" тапаншасы, мылтық, травматикалық тапанша мен басқа да суық қару тәркіленді. Сонымен қатар қылмыстық топтан екі келіден астам есірткі тәркіленді. Қылмыстық топқа қатысушыларға қатысты бопсалау, қару мен есірткіні заңсыз сақтағаны үшін 12 қылмыстық іс қозғалды", – деді ҚР ІІМ ұйымдасқан қылмысқа қарсы күрес департаментінің басқарма бастығы Қуандық Алпыс.

Күдіктілер уақытша ұстау изоляторына қамалды. Тергеу жалғасып жатыр.