Танымал продюсер Баян Мақсатқызы соңғы кездері өмірінде орын алған қайғылы сәттер туралы айтып берді. Ол "Қыздар-ай" бағдарламасында қонақ болған, деп жазды «КҮН.КЗ» тілшісі. Бағдарлама жүргізушісі Жанар Айжанова қонағына алдымен көңіл айтты. Баян Мақсатқызының әкесі жақында өмірден озған еді. Сонымен бірге, продюсердің досы әрі әріптесі Арман Дүйсеновтың қазасы да Баянға ауыр соққы болғанын айтып өтті. Алагөзованың айтуынша, екі қаза өзін "өлтіріп" жіберген. "Әлі де маған өте қиын. Күнде жылаймын, бірақ әйтеуір көңілімді көтеретін, жыламайтын бір нәрсе тауып қоямын. Таңертең орнымнан тұрғанда "қайғыны ойламау үшін көңілімді не көтеретіні жайлы ойланамын?". Бірақ маған әлі де оңай емес. Қазір күнде бір қуанышты іздеймін", -дейді Баян Мақсатқызы.