Танымал әнші Димаш Құдайберген шет елдік БАҚ өкілдерінің болашақ жарына қатысты сұрақтарына жауап берді, деп жазды KYN.KZ тілшісі. Жуырда Димаш Арменияға барды. Ондағы  мақсаты Ереванда жеке шығармашылық кешін өткізу еді. Жергілікті БАҚ өкілдері мүмкіндікті жібермей  дүние жүзіне аты танымал талант иесінен, барлық адамды қызықтыратын, Димаштың болашақ жарына қатысты сұрақтар қойған еді. Сері жігіттің айтуынша әзірге оның басы бос.  Екінші жартысын кезіктірген жағдайда жеке өмірін құпияда ұстайтынын жасырмады. "Жеке өмір жеке болғанын қалаймын. Себебі мен болашақта әйелімді көрсеткім келмейді. Әрине, егер ол жұрт алдында жүрген болса, әңгіме басқа. Мен, менің шығармашылығым, концерттерім туралы айтылғаны маңызды", - деді Димаш Құдайберген.