Димаш Құдайберген ауа райының нашарлауына байланысты Антальядағы концертінің өтетін орнын ауыстырды, деп жазды KYN.KZ тілшісі. «Құрметті достар! 6 мамырда Антальяда дауыл болатыны ескертілді. Осыған байланысты «Stranger» концертінің Ақдениз ашық стадионынан Antalya EXPO 2016 аумағында орналасқан Antalya EXPO Kongre Merkezi жабық алаңына ауыстырылғанын хабарлаймыз», делінген әншінің парақшасында жарияланған хабарландыруда. Сондай-ақ барлық көрерменге сағат 16:00-20:00 аралығында Ақдениз стадионынан жаңа алаңға дейін және кері бағытта тегін трансфер ұйымдастырылатыны айтылған. Кері қайтушыларға уақыт шектеуі жоқ. Концерт залына өз бетімен жетуге де болады екен.