Басты жаңалықтар
Павлодарлық ақсақал бата беріп, 500 мың теңге жеңіп алды
- автор kyn.kz
- 10 мамыр, 2023
- 185
![Павлодарлық ақсақал бата беріп, 500 мың теңге жеңіп алды](https://kyn.kz/uploads/resized-images/2023/05/343147087_802730821279976_1958941559444832735_n.jpg)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Астанадағы Бас мешітте ақсақалдар арасында өткен І республикалық бата беру байқауының марапаттау рәсіміне қатысты, деп жазды KYN.KZ тілшісі.
Еліміздің түкпір-түкпірінен келген дуалы ауыз 20 ақсақал зәулім мешіт ішін батамен жаңғыртты. Бас мүфти Наурызбай қажы Тағанұлы жолдың алыстығына, өздерінің қарттығына қарамай елорда төрінен табылып, қазақтың бата беру салтын қайта жаңғыртқан ақсақалдарға ерекше алғысын айтты.
Сондай-ақ осы байқауды республикалық деңгейде алғаш рет ұйымдастырып отырған Діни басқарма ұжымына және тағылымды сайысқа демеушілік жасаған жомарт азаматтарға ризашылығын білдірді.
Қазылар алқасының шешімімен шариғат пен дәстүрге сай мағыналы бата беру, дауыс ырғағы, киім үлгісі, қосымша сұрақтарға жауап беру талаптары бойынша үздік деп танылған ақсақал Балтабай Сыздықов (Павлодар облысы) 1-орынды жеңіп алды. 2-орын Серікбек Балқыбекұлына (Жетісу облысы) және 3-орын Шахан Тұрсынханов (Абай облысы) ақсақалға бұйырды.
![width=](https://kyn.kz/uploads/resized-images/2023/05/342721057_264569326033375_7761857214534818357_n.jpg)
Сонымен қатар Жұмабай Тәжібаев (Алматы қаласы), Самиғолла Машаев (Атырау облысы) пен Дәріқұл Махамбетовке (Қызылорда облысы) ынталандыру сыйлығы және барлық қатысушы ақсақалдарға қаржылай сыйлық берілді.
Ақсақалдардың бата беру өнерін ғалым, мемлекет және қоғам қайраткері Өмірзақ Озғанбаев, жазушы-журналист, қоғам қайраткері Жабал Ерғалиев, филология ғылымының докторы, профессор Серік Негимов, ҚМДБ Төрағасының орынбасары, наиб мүфти Сансызбай Құрбанұлы мен елордадағы «Шейх Кунта қажы» мешітінің бас имамы Өмірзақ Бекқожа бағалап, төрелік жасады.
![width=](https://kyn.kz/uploads/resized-images/2023/05/344170079_637741214385163_6193672081379742924_n.jpg)
Айта кетейік, батагөй ақсақалдар арасында алғаш рет ұйымдастырылған республикалық байқау «Munara TV» телеарнасы мен «Муфтият ҚМДБ» YouTube арнасында, сондай-ақ Діни басқарманың Инстаграм желісіндегі ресми парақшасынан тікелей эфирде оқырман назарына ұсынылды.
Келесі мақала
Абылай Мырзахметов пара үшін ұсталды
Ұқсас жаңалықтар
Басты жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024