"Атамекен" ұлттық кәсіпкерлер палатасының бұрынғы басқарма төрағасы Абылай Мырзахметов 30 млн доллар пара алды деген күдікпен ұсталды, деп хабарлайды БАҚ.
"Сотқа дейінгі тергеу басталғанын растаймыз. Тергеу іс-шаралары жалғасып жатыр. Қылмыстық-процессуалды кодекстің 201-бабына сәйкес басқа ақпарат жария етілмейді", - деп мәлімдеді Антикор.
Абылай Мырзахметов былтыр ақпан айында "Атамекен" ҰКП басшылығынан кеткен болатын.
Абылай Мырзахметов жиырма жыл бұрын көлік министрі және "Қазақстан темір жолы" ұлттық компаниясының бұрынғы басшысы болғанда атышулы сот процесінің фигуранты болды: 2002 жылы наурызда қызметінен шеттетілді, ал 2002 жылы маусымда тұтқындалды.
Тергеу мен сот процесі бір жылға созылды: 2003 жылы мамырда Абылай Мырзахметов мемлекеттік мүлікті ұрлауды ұйымдастырды деген айыппен мүлкі тәркіленіп, шартты түрде 5 жылға бас бостандығынан айырылды.
