Басты жаңалықтар
Оралдық оқушы өз қатарласын амандаспағаны үшін ұрып өлтірді
- автор kyn.kz
- 30 мамыр, 2023
- 216
![Оралдық оқушы өз қатарласын амандаспағаны үшін ұрып өлтірді](https://kyn.kz/uploads/resized-images/2023/05/1685370171544.jpg)
Батыс Қазақстан облысындағы Щапов ауылының мектеп оқушысы өз қатарласын ұрып өлтірді. Оқиға куәгерлерінің айтуынша, марқұм болған жеткіншек оған дұрыстап амандаспаған көрінеді. Бұған ашуланған жасөспірім бірден қол жұмсапты. Алған соққының ауыр болғаны соншалық, 9-кластың оқушысы Дияр Досқали тілге келмей қайтыс болды, деп хабарлайды "КҮН.КЗ" тілшісі Астана жаңалықтарына сілтеме жасай отырып.
Диястың айтуынша, ауыл балалары оларды оңаша жерге шақырыпты. Осыдан кейін сөзбен тиісіп, қол көтерген. Дияс ДОСҚАЛИ, МАРҚҰМНЫҢ ТУЫСЫ: Қасымдағы бір бөлем дұрыстап амандаспады деп 10-кластағыларға айтқан ғой мыналарды ұрыңдар, аналар дұрыстап амандаспайды деп. Сол үшін бізге келді. Мені, Диярды, сосын Айбол деген бөлемді ұрды. Мені ұрған 1-курстың студенті. Махмұд БЕКҚҰЛОВ, МАРҚҰМНЫҢ ТУЫСЫ: Әңгіменің басы бізге келгенде неге ассалумағалейкум айтпадың дегендей сөзден басталған. Қатты соққының даусы естілді дейді. содан жүрелеп отырып, сосын шалқасынан құлаған. Кінәлау қиын, бірақ жаңағы соққы жасаған баланың сондайы барын там-тұмдап естиміз. Қорғансыз балаларды осылай қорлағандар жерге құлаған Диярдың есін жиғызуға тырысады. Бірақ мұны үлкендерге айтпаған. Осы қарбалас кезде Диярды ұрған жасөспірім қашып кетіпті. Ал ата-анасына хабарласқанда бәрі кеш болды дейді туыстары. Салтанат АБАЕВА, МАРҚҰМНЫҢ ТУЫСЫ: Бетіне су құйғанда мұрнына су кетіп қалып, тұншығып қалды ма, дұрыс көмек бермеген басында. Жазалануы керек бәрі! 7-8 бала болған ғой. Бірақ жіберіп тұрған баланың өзі болмаған. Өзі қазір телефонын алмайды, ештеме істемей отыр. Диярдың қайғыдан қан жұтқан туыстары істің әділ тергелуін талап етіп отыр. Өйткені әлімжеттік көрсеткен оқушылардың бірі - бұрын күреспен айналысқан, ал енді бірі - студент көрінеді. Ал мектептегілер шәкірттеріміздің бәрі де үлгілі деп ақталды.
Бүгінде полиция күдікті жасөспірімді ұстап, қамауға алған. Оның үстінен қылмыстық іс қозғалды. Лунара АМАНҒАЛИЕВА, БҚО ПД БАСПАСӨЗ ҚЫЗМЕТКЕРІ: Бұл жағдай сотқа дейінгі тергеп-тексерулердің бірыңғай тізілімінде тіркелді. Осы құқық бұзушылықты жасады деген күдік бойынша 2008 жылы туған кәмелетке толмаған Н. ұсталды, осы факті бойынша сараптама тағайындалды, сотқа дейінгі тергеу жүргізілуде. ҚР ҚПК-нің 201-бабына сәйкес өзге ақпарат жариялануға жатпайды. Осы оқиғадан кейін ауылдағы көңілді шаралардың бәрі тоқтатылған. Тіпті ертеңгі халықаралық балаларды қорғау күні де мерекеленбеуі мүмкін. Себеп біреу ғана: мәңгілік алау басында мәңгіге қиылды жас ғұмыр.
Ұқсас жаңалықтар
Басты жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024