Ми импланты - сал болып қалған адамдарға көмектесе алатын жаңа құрал. Ғылымның бұл жетістігін пайдаланған науқастар қайта жүріп кетуге мүмкіндік алады, деп жазды KYN.KZ тілшісі  BBC агенттігіне сілтеме жасап. Зерттеуші ғалымдар сал ауруына шалдыққан науқастың физикалық қозғалысын реттейтін құрылғыны жетілдіріп жатыр. Дегенмен эксперимент нәтижелі болып, ми импланты адамдардың жүруіне көмектескен. Голандия азаматы Герт-Ян Оскам екі жыл бұрын апатқа ұшырап сал болып қалған. Дәрігер-ғалымдар аталмыш құрылғы арқылы оның аяғын басқарып, жүруіне мүмкіндік берген. Сәрсенбіде Nature журналында жарияланған зерттеуде Швейцария зерттеушілері оның тұрып, жүру арқылы бұлшықеттері қайта қалпына келетінін айтқан. Ғалымдардың айтуынша, бұл құрылғы әлі көп зерттеуді қажет етеді, сол себепті жақын арада қолданысқа берілмейді. Ғылымның басқа да жетістіктері жайлы тағы бір мысал бар. BBC News деректеріне сәйкес, 2018 жылы Дэвид М. жұлын импланты арқылы сәтті емделген алғашқы пациент болған.